ठेक्का ओगट्ने तर काम नगर्ने केही निर्माण व्यवसायीमाथि कारवाही प्रक्रिया अघि बढेको छ । सार्वजनिक खरिद अनुगमन कार्यालयले विभिन्न नौ निर्माण व्यवसायी तथा आपूर्तिकर्तालाई सात दिने लिखित स्पष्टीकरण सोधेको हो ।
बिज्ञापन
कार्यालयले आज एक सूचना जारी गर्दै कालोसूचीमा राख्न नपर्नेको कारणसहित एक साताभित्र लिखित स्पष्टीकरण पेश गर्न भनेको हो ।
बिज्ञापन
सो कार्यालयले समयभित्र स्पष्टीकरण पेश नगरे कालोसूचीमा राख्न प्रक्रिया अघि बढाउने कार्यालयको चेतावनी छ । स्पष्टीकरण सोधिएकामा ओम गणेश निर्माण सेवा, पृथ्वी निर्माण सेवा, न्यू रोहित ट्रेडर्स एण्ड अर्डर सप्लायर्स, डाइमेन्सनल कन्स्ट्रक्सन, जिबी मेटल क्राफ्ट इन्डष्ट्रिज एण्ड सप्लायर्स, सुरज कन्स्ट्रक्सन, अर्भान कन्स्ट्रक्सन, ब्रोदर्श कन्स्ट्रक्सन र सूर्यदिप छापाखाना रहेका छन् ।
कार्यालयले विभिन्न सार्वजनिक निकायहरूबाट कालोसूचीमा राख्न निवेदन परेकोले कालोसूचीमा राख्न नपर्ने आधार प्रमाण भए सूचना प्राप्त भएको मितिले ३० दिनभित्र यस कार्यालयमा लिखित स्पष्टीकरण पेस गर्नू भनी निजहरूको ठेगानामा सूचना पठाइएकोमा हालसम्म लिखित स्पष्टीकरण पेस नभएकोले सात दिनभित्र स्पष्टीकरण पेस गर्न पुन सूचना जारी गरिएको हो ।
बिज्ञापन
